變質

破碎了的玻璃, 就是用萬能膠去補救, 裂縫仍然清楚可見; 撕破了的白紙, 就是用膠紙補救, 撕破痕跡仍然清楚易見; 氧化了的蘋果, 很明顯就會由白色變成黃色, 這個時候可以把表面的一層切除; 無論用甚麼方法去補救, 變了質的就是變了質的, 是不能隱藏的. 面對這些情況, 我們可以選擇預防而非補救, 不要讓玻璃破碎, 不要讓白紙被撕破, 用鹽水浸著蘋果, 防止它氧化.

人與人之間的友誼同樣, 變了質就是變了質, 是不能改變的事實. 如果關係很好, 不想有改變就要努力地防止它去改變. 假若發生了變化, 就要判斷變化是向好的一面還是向壞的一面(誰說被修補的玻璃一定不好? 不是更有質感嗎?). 如果是向好的方面, 就要努力地維持, 如果是向壞的方面, 就要由這一點開始, 努力地把它變得比以前更好.

與未來通訊

<隔世追兇>的大結局已經在上一個星期六晚播放了, 距離今日差不多有一個星期了.
但故事的內容我還記得! 或者再過一個星期我就會完全忘記.

劇集中, 大河 sir 可以用電話跟未來的天光溝通, 掌握一切事的結果, 所以他變得神通廣大, 可以知道每一件事的結果,
甚至連死亡也避過了!

(請不要用物理學的角度分析其可行性, 真確性, 因為只是一套電視劇.)

開始做一件事的時候, 永遠都不會知道結果是怎樣的, 過程中會做很多決定, 可能有一些決定是成功的關鍵, 有一些是失敗的因素.
在作決定的一刻, 我們不會知道這個決定對這件事的影響, 因為結果是未知之素.

如果我們也有一部可以跟未來通訊的電話, 那就可以跟未來的自己溝通, 那麼我便不會行差踏錯, 做事便可以平步青雲.
如果在做一件事之前, 便可以知道結果, 那就不會碰釘子了! 結果可能是理想的, 有可能是不如意的, 預知結果便可以決定做還是不做, 真好.

但是, 開始做一件事的時候, 一定會期望有好的結果, 這是做事的原動力, 沒有期望, 根本沒有動力去做.
很多時候, 事與願違, 結果不如意!
但是, 若果不嘗試又怎樣可以知道結果呢? 這個時候, 如果可以與未來通訊, 預知結果, 那就不用尋找結果, 所有問題就迎刃而解了!

現實中我們的電話沒有這個功能, 尋找結果便要靠自己了. 憑甚麼作決定才好呢?
憑感覺好嗎? 其實很理想的, 因為不用顧及後果. 還是保留一點理智好, 很可惜.

多少遍才夠?

最近看無線的電視劇<隔世追兇>, 鄧健泓飾演的 hugo 一直暗戀江芷妮飾演的 詩菁, 但 詩菁喜歡的是郭晉安飾演的 天光.
hugo 對詩菁無微不至, 但詩菁卻不令情, 莫視hugo 的好意, 因為她暗戀著天光.
hugo 留意著詩菁的舉動, 發現詩菁總莫視自己, 總會對天光好... hugo 表現出一臉無奈的樣子, 明知沒有可能得到.
有朝一日, 可能當詩菁夢醒時, 就會發現自己錯失了一個一直在身邊對自己無微不至的人, 也是可悲!

我也曾經是 hugo 的角色, 觀察著心愛的人的一舉一動, 發現真相時的確令我沒趣.
心如刀割正好形容這種心情. 或者可以用"痛失", "得不到的" 這些詞形容.
總之就是傷痛的感覺.

在一生中, 我要演 hugo 這個角色多少遍呢?
一次就夠了!

以 球場上的角色 為喻

我這個人沒有甚麼攻擊性, 或者說攻擊性比較低. 但是, 第一次踢波, 一班波友把前鋒這個位交給我...
這個位置的責任相對地較少, 因為首要的是不失球, 入球是其次.
相對攻擊力, 我的防守意識比較強, 就算身為一個前鋒, 很自然地也會留守最後防線.
久而久之, 我也擔當防守的角色, 甚至有一段時間打龍門...
現在, 我多數都會擔當防守的角色, 雖然不是最後防線.

打甚麼位置不是最重要, 最緊要的是打得稱職, 發揮到應有的作用已經很好.
前鋒要衝破敵方的防線, 取得入球; 中場要策動攻勢, 協助前鋒; 後衛及龍門就負責破壞敵方的攻勢, 阻止敵方入球.
那甚麼位置最適合我呢? 後備最適合我, 多練十年吧...

有很多時候, 不應該被所屬的位置規限了, 來一個乾坤大來移也不錯, 後衛, 中場殺入前鋒線助攻.
好多時候, 前鋒必定成為眾矢之的, 被敵方佈以嚴密, 那麼怎樣找進攻機會呢?
這個時候, 後上助攻的中場, 後衛就可以變成一把利刀, 殺對手一個惜手不及.

那麼做一個後上殺手也不錯, 可以殺對手一個惜手不及.

在球場上, 當一個後上殺手, 可以取得入球;
生活上, 可以給人一個驚喜;
在情路上, 如果擔當一個後上殺手, 可以殺甚麼呢?
可能只會一無所有, 殺得太遲了, 錯過機會了.
也有可能隱隱閉閉地伏擊, 成功了.

在球場上, 我可能擔任側擊; 在生活上, 我是一個前鋒;
情路上, 很想擔任前鋒, 主動出擊, 但是往往我擔任了較為被動的後衛, 去防守, 防守著敵人的進攻.

(由七月一日的凌晨開始寫, 七月三日的凌晨寫完)



那坐在後備席又是甚麼一回事?
情路上的後備就是當感情的後備, 這樣做值得嗎?
沒有值得或者不值得的, 只要自己喜歡便不用想值得還是不值得.
人生真的很短, 為甚麼不做自己喜歡做的事, 而要受束縛呢?

(七月三日的下午追加)

雪 x 3.5

中學的我,可以用一個"摺"字來形容, 甚少跟別人溝通,可能我跟他們合不來.
有一位女同學, 中四開始才是同學, 她的名字有一個"雪"字, 經常找我一起玩, 她跟我講電話可以講數小時,
雖然, 直到現在, 我也覺得她當時在說廢話... 我也忘了自己說過甚麼了. 其實當時我覺得有一點煩厭的.

每天放學, 她也要等她唸小學的弟弟放學, 然後一起回家, 中學的放學時間是三時許, 而小學的放學時間是六時許.
她喜歡在聖雅各福群會流連, 有時候我也會跟她一起去, 為甚麼呢? 因為我愛玩, 福群會有很多東西玩, 桌球, 康樂棋...
到福群會, 還會遇到其他相識的同學. 有時也會一起溫習功課, 相對她的成績, 我的成績比她好得多, 這個我可以肯定,
所以我也可以充當"老師"的角式, 教她.

她的身子很虛弱, 常常都生病, 但她很"慳家", 有病都不會求醫, 只會到藥房買藥, 我也會受這個概念影響, 哈哈~(其實我求醫也不用付錢)

還記得有一次, 她失聲了, 我陪她逛街, 其實我也不知道她想做甚麼, 那就走入商店(我也不記得是甚麼商店),
她想跟店員說話, 無奈地她失了聲, 那店員說:"叫你男朋友說啦" , 荒謬! 我從來都沒有這個想法. 她也有男朋友的.
跟據常理, 旁人沒有可能會誤會我們, 她比我年長兩三年, 怎樣看, 我也像她的弟弟吧...

但是, 會考放榜之後, 我也沒有再跟這位"姊姊" 聯絡了. 還記得她住在將軍澳, 還記得當時未有將軍澳地鐵站, 還記得她有一個頑皮的弟弟...
還記得她給我這樣的評價, 說我一定是給老婆欺負的丈夫. 應該沒有錯的. 哈哈~


現在我每天地乘撘將軍澳線上學, 都未有再遇到她, 或許她曾經在我身旁擦身而過.




在唸 IVE 的三年級時, 我跟一班同學每天都會到食堂用膳, 用膳, 除了"醫肚"外, 都要"飽眼", 由於自己身處的學系比較少女同學.
所以大家都對學校其他的女性產生好奇. (不要有任何幻想)

左望右望, 看見有一位女孩很漂亮, 我們給她一個代號 - "白雪", 同輩間互相影響下, 我竟然覺得自己開始喜歡這個女孩...
喜歡甚麼呢? 連人家的名字也不知道, 說甚麼喜歡... 明查暗訪, 她唸藥劑的. 名字叫...

最後做了一件荒謬的事情, 今日回想也覺得荒謬. 居然走過去要她的 icq... 她的 nickname 只用一個"雪"字.
最後只跟她談了幾句就擺了. 我不是"溝女王".

最近一次的開放日, 我也返回我的母校, 走進"旅遊"系 的"實驗室", 居然再次遇到她,
跟她談我的近況, 當時才有"溝通". 之後也沒有再聯絡了. 那當我認識了多一個人吧.

我由開始都不應該去喜歡這一個人, 可能沒有交往, 也沒有半點失去的感覺. 那我真是喜歡嗎? 我覺得從來沒有.




走進科大, 我認識了另一位"雪", 但是沒有人稱呼她為"雪", 甚至我從來都沒有, 只是她的名字有一個"雪"字.
第一眼看見她, 就有喜歡她的感覺, 由於一直都有溝通(溝通未必是互動的), 這種感覺越來越強了!
暗戀著她, 暗戀但是不夠"暗", 變得有一點"明", 沒關係吧... 常常都會為她著想, 都會想著討好她...
嘈了! 我開始有一點失去理智, 有一點瘋狂, 也可以說是癡情.
我開始沉醉於這個夢. 想說又不敢說的滋味真的不好受, 背負著很重的擔子. 其實日子越久, 我也開始從這個夢醒來了, 知道這個夢不會長.
最後她把我由夢中拉出來, 我也不再為這個夢瘋癲了. 由夢中完完全全醒來不容易, 需要時間, 但這段時間比我想像中短.

可能一直以來的溝通不是很"互動", 或者說我們從來沒有開始過, 那, 傷痛才可以短暫.

這人我曾經深深的喜歡過, 這種感覺是第一次有的, 今日她的角色變了, 是一個朋友.




有一次跟好友談及這個"雪"字, 她說她的名字也曾經有一個"雪" 字, 只是改了, 那我說:"那你要小心我會喜歡你".
她說:"不用怕, 你跟"雪"字從來都沒有結果. 那我也不用怕."

這個就是結論了, 說得很對.
希望不要遇到第四個"雪"了.

總結2004年的spring sem

由上年十二月一日開始, 我就有上莊o既念頭, 攪下攪下, 咁就上左 photosoc...
由training 完左開始, 跟住個 sem break 都奉獻左比 photosoc... 呢個sem 好多時間都係比左 photosoc.

呢個 sem 感覺上過得好快, 好似好多野發生左, 唔再係上個 sem 咁枯燥沒味.
好多原因o既, 可能係上左莊, 可能係同 d 同學熟左, 可能識多左幾個人, 可能我o既 focus 再唔係成績.
邊樣先係真正o既原因? 唔知, 唔重要吧!

今個 sem 讀 19 個 credits, 相對上個 sem o既 18 個 credits, 今個輕鬆得多, 可能唔洗個個星期都交功課吧;
上個 sem 有兩科讀到我得返半條人命, 今個 sem 好好彩, 冇呢 d 咁得人驚o既科目, 雖然有 d 科上堂唔知講乜, 不過可以追返呀!

今個 sem 讀o既科目, 令我越黎越覺得自己揀錯科, 自己o既 major, IEEM o既 course 都係計 probability, 完全冇興趣!
同以前o既 manufacturing 有乜關係 ?_? engine 人係咁架咩? 好彩有兩科 sosc, 一科 comp, 如果唔係真係冇晒心機讀書!
我o既 sosc 恐懼証居然有得醫喎! 雖然, 上 sosc 115 好多堂都係訓左, 不過都過得好開心架~

上個 sem, 日日都係返學放學, 放學做功課; 今個 sem 放左學要開會, 一個星期總有一次! 好似 gathering 咁, 幾開心架!
我覺得有時做莊務比做功課更重要! 哈哈哈~ 對住莊 mate 們比較快樂, 他們不會跟我談功課, 唔同 major 嘛~
其實我 d 同學好多都唔講功課架啦~ 哈哈哈~



二月
我就要為 promotion period 忙了, 庇護庇護... 第三個星期就係 promotion period 了!
一得閒就落 counter 幫手, 有時飯都冇得食, 為乜o者? 開心囉, 我 enjoy.

promotion period 完左之後, 諗住會好得閒, 可以做返一個正常o既學生啦.
點知個個星期都要開會! 頻頻有野做架喎! promotion period 完左之後要準備一下 AGM.
身為 internal sec 的我每次開會都要 jot minutes, 開會之前要準備 agenda...

IEEM225 o既功課都幾濕濟, 我地成班人o係 cafe 出面抄埋份功課先入去上堂, 有時會抄到上唔到堂.
真係完全唔明 IEEM225 D 野, 唉唉~
英文堂成班人坐o係度發呆, 等時間過.



三月
個個星期都係, 開會... 三月十七日o既 AGM 可能會係呢個世界上最o棄o既 AGM! 兩個幾鐘就過左了.
四月開始有活動了, 呢個月開始要 sit counter, sit couter 都幾快樂架~
呢個月好多科 mid-term! 五科 mid-term 都係呢個月, 最後仲要三日三科, 也許呢 d 就係科大人o既生活吧.
好彩開始聽得明 IEEM 225 啦~ 不過 IEEM151, 313 依舊, 唔知講乜. sociology d 野真係好有趣!

上左莊成績係咪真係會退步呢? 唔一定o既~




四月
過左一個差唔多兩個星期o既sem break, 期間發生左好多野...
sem break 又要溫書, 又要寫 essay, 咁邊有 break 過?
呢個月繼續有活動, 我地繼續怒 sit counter... 我地係 sit 得最多 counter o既 soc!
poster, 咭片都要我設計埋 =.="
個 studio night 算係咁啦~ 雖然仲有進步空間. 呢兩個星期影左好多相, 好開心呀!

開始發覺我讀o個 d 野越黎越深啦, 又唔係好夠時間溫, 真係有 d 擔心!
好多科都係呢個月出 result, 分數係高係低我都冇乜感覺...強!
我地次次交 IEEM 225 o既功課都要o係 cafe 集體創作, 哈哈~

呢個月仲揀左 FYP, 揀o既過程都有 d o棄, 不過, 冇本錢點選擇呢?

仲有d 無形o既野影響住我.


五月
踏入五月, 有壓力啦! 五月要考 final 啦, 仲有 comp 103 o既 assignment , ieem 313 o既 project, 好大壓力呀!
對住 comp 我應該好有信心先至係, 但係今次我唔識做, 好彩向高人請教後就做到了!
原本有個好計劃, 話早 D 做完 IEEM313 o既 project, 然後溫書, 但係... 人係鐘意 deadline 前先趕工架嘛~
咁就攪到十三號, IEEM225 final 後o個日先埋尾啦~再之後o個日就 presentation 了.
星期六 presentation 之後, 休息一下, 就要溫書, 之後o個個星期四, 五, 六, 一 都要考試, 真係得人驚!
一日溫一科就要考試! 好彩都過得去o既... 我大概知考成點吧!

我知有 d 野唔應該拖到五月, 但係, 偏偏就比我拖到依家...

呢一刻係 五月廿五日 上午一時, 要有一科 final 未考架! 不過心情好似考完試咁.

--------------------------------------------------------------------------------------------------------------------

今日係六月廿七日, 繼續寫...

五月廿九日考埋最後o個一科, sosc185, sociology, 覺得都考得 ok 架~
考完試去左踢波, o個排o既心情冇放鬆過.
五月三十日同五月三十一日就係呢個暑假...




六月
六月, 終於解決左一直以來困擾o既問題, 會有唔開心, 但係都有開心o既, 總結我都算係賺左.
成個六月, 幾乎日日都返學校, 要 training, 又要上 summer course.
頭三個星期都要 training, training 最慘o既就係要咁早起身, 其實一 d 都唔辛苦.
第二個星期開始就要上 summer course, 真係攪笑, training 同 summer course o既時間係 overlap o既, 但係冇問題.
難得有一日唔洗返學, 成班人約左出黎唱 k, 打機, 都幾開心的.

考完試, 跟住黎o既就係出 result, 整體都算合理啦, 雖然有兩科 c+, 但係都好合埋o既, 因為我真係唔識.
最奇怪就係 ieem313 出奇地有 b+ 同埋 sosc185 出奇地得 b- ...... 拉埋都冇問題o既.

最後 SGA 有 B-, CGA 都仲有 B. 咁都算係咁啦, 又上莊...超額完成啦~


已經開始上summer course, 咁呢個spring sem 應該可以 close file 啦~